Á vorin langar mann út. Grafa fingurna í moldina, finna sterka moldarlyktina sem gýs upp þegar skóflu er stungið í jörð og gróðursetja.
Þetta árið er áherslan á matjurtir. Í nokkrar vikur hafa pínulítil fræ fengið að vaxa og dafna í öllum gluggum og nú eru þau flest komin út í beð eða potta. Og þá er spurning hvað lifir af íslenska sumarið. Örugglega eitthvað. Blómkálið er búið að vera úti í 3 nætur og lifir enn, salatið hefur bara farið út á daginn og inn aftur þegar kvöldar en mun eyða þessari nótt úti. Svo er bara að sjá til.
Category: Umhverfið