Það fór ekkert illa um prjónarann þennan ágæta fimmtudag í september, sitjandi á bekk á Ráðhústorginu. Dúfurnar komu og kíktu eftir mat, börn af öllum stærðum streymdu framhjá í hinu ýmsu erindagerðum og flestir bekkir voru setnir af fólki á mismunandi aldri, stærð og gerð.
Verðrið var bara fínt, 18 gráður og sólarlaust að mestu. Dálítil gola en hún var góð til að flytja burt tóbaksreyk (mikið um reykingar í Danaveldi ennþá) þegar einhver gekk framhjá með logandi snuddu í munninum.
Dagurinn var semsagt bara ágætur, enda ætlaður til slökunar og labbitúrs í kóngsins Köben eftir dálítið strembna tvo daga á undan, með löngum fundahöldum þar sem athyglin þurfti að vera til staðar.
Category: Handavinna